هي ايه من غير امل
من غير حب وعمل
على شوية كفاح
و تعب وعناد وملل
------
هي ايه من غير ما توقعك وتقوم
من غير شمس وقمر ومطر وغيوم
حبة ابيض حبة اسود كتير رمادي
كلها الغاز عمرك ما هتفهمها في يوم
------
ساعة ياخدك الحنين
محدش عارف انت فين
مكتئب مخنوق حزين
وحالتك مطينة بطين
------
تحب تعشق قمر
تقعدوا تحت الشجر
تقولها وتقولك
انت غير كل البشر
------
وساعة تبقى مجنون
نفسك تلف الكون
بعجلة.. عربية.. طيارة
وفى جيبك فرشة ومعجون
------
تصلي وتدعي ربنا
يرزقنا الجنة كلنا
تتأمل فى خلقه وتحمده
دا احنا محدش قدنا
4 comments:
كلمات جميلة ياصاحبى
وبعدين احنا عاشين وراضين ولو مش راضين لازم هنعيش ونحاول نغير حالنا على قد ما نقدر
ربنا يوفقك
تحياتى
جميل اوى اوى ..وصادقة ..
بس هى ايه بأه :)))
الدنيا
هي ايه ؟؟!!
(:
إرسال تعليق