بيقولوا الاعتراف سيد الادلة .. وعشان كدة انا قررت انى اعترف
اعترف بايه ؟ .. بانى مدمن .. ايوة مدمن ومش عارف ابطل
بحس بالسعادة وانا باتعاطى
بحس بالنشوة .. بحس بانى فوق .. فوق اوى
ببقى عايز اصرخ واقول .. انا جدع
انا مفيش زيى فى الدنيا
=====================
الكيف دا حاجة جامدة جدا .. حاجة فوق الوصف
حاجة لما ببعد عنها بحس انى وحيد
بحس انى مشتاق ليه اوى .. باحس بالحنين
بحس ان ممكن يجرالى حاجة لو مخدتش الجرعة
ببقى عايز اصرخ واقول .. انا مدمن
=====================
بس اول ما افوق .. بحس بالندم
ببص فى المراية واقول اخص
انا يطلع مني كل دا
لا لا مش انا اللى اعمل كدة
واصرخ واقول .. انا لازم اتعالج
=====================
اكتشفت قريب ان في ناس زيى كتير
وانهم بيحاولوا يتعالجوا .. وكتير منهم نجحوا
وعرفت ان اول خطوة للعلاج هى الاعتراف
عشان كدة انا باعترف دلوقتى
وباصرخ واقول ..انا مدمن انترنت
9 comments:
طب والله العظيم انت رخم
أنا افتكرتك بجد مدمن وعايز تتعالج
بس تعرف ان النت بقى ادمان برضه دلوقتي .. !!
والله لازم نتعالج منه وكل واحد فينا لازم يحط ادامه هدف لقاعدته على النت
يعني مش قاعد بيعمل شات ومشاركات ملهاش لزمه في أي منتدى
لازم كل واحد يحط هدف ويسعى لتحقيقه
ربنا يعافييك ..ويتم شفاك على خير :) :)
مشكلة حكاية النت دى ..وبضيع كمية وقت ممكن يتعمل فيه حاجات تانة كتيير ..بس المهم يستغل صح ..
تحياتى ليك ..وللموضوع ..ان شاء الله هكتب عنه قريب
http://wa7di-ofakker-137.blogspot.com/
أنا مطّــــــــــــاط ومشـــاكس وسعيــــــــد
ما انا مدمن فعلا والله :)
بس نوع خفيف شوية :)
وبالظبط زى ما بتقول لازم الواحد قبل ما يفتح الجهاز يحدد هو هيعمل ايه واول ما يخلصه يقفل عشان ما يسرحش والوقت ياخده
*سمر*
حلوة الدعوة دى :)
مشكلة كبيرة والله انا بقعد بال6 ساعات متواصلة مش عارف باعمل ايه
دا انا الحمد لله بطلت ادخل شات نهائى
ربنا يسهل واتعالج خالص بأى :)
شكرا لمرورك .. وهاستنى موضوعك
هههههههههههههههههه
أضحك الله سنك
إن شاء الله تعالى تكون حملة حماية القادمة لعلاج ادمان الانترنت
D:
لا الحاله متاخره جدا
انت تيجى عندى العياده وانا هاعمل اللى عليا والباقى على ربنا
خضتنى ياشيخ وانا اقول البانر اللى حطه بتاع الحملة ده ليه
معلش ظلمتك
وهلى فكرة ادمان الانترنت برضه خطير لانه بيبوظ صحتك برضه من خلال الجلسة الطويلة وايضا يؤثر على النظر ده غير طبعا انه بياكل الوقت
والمهم فى كل الاحوال الارادة
العاشقة
هاستنى الحملة دى بفارغ الصبر :)
شكرا لمرورك
فرنسا هانم
لا يافندم اجى فين بعد اللى قلتيه على دكاترة السويس :)
انا خفيت خلاص :)
monaliza
ايوة القعدة دى ليها اضرار كتيرة صحية
انا حسيت بكدة فعلا
الارادة موجودة بس مش كفاية
هههههههههههههه
يا راجل خضتنا عليك
روح يا شيخ
الله يسامحك ويصلح حالك :)
هههههههههههه
آمين ويا رب يصلح حالنا جميعا
إرسال تعليق