ياااااااااه أخيرا بقى عندى مدونةبقالى كتير باسمع عن الblog أوالمدونة
بس ما جتش الفرصة انى ادخل فى العالم دا
اخيرا جت الفرصة بعد 4 شهور متواصلة من الDSL
ومن المشاركة فى منتدى "كل الطلبة" اللى حبيته جدا
وبعد ما لقيت ناس كتير جدا عاملين مدونات
قررت انى اعمل المدونة دى عشان احط فيها افكارى وكلماتى وارائى
دورت كتير على أسامى لمدونتى ملقتش احسن من "الكلمة"
بعد ما سمعت الاغنية دى لمحمد منير
الأغنية بتقول:
الكلمة إيد .. الكلمة رجل .. الكلمة باب
الكلمة .. نجمة كهربية فى الضباب
الكلمة كوبرى صلب .. فوق بحر العباب
الجن يا أحباب ما يقدر يهدمو
فاتكلموا
اتكلموا
:
اتكلموا
اتكلموا
9 comments:
ليا الشرف إنى أكون أول بنى أدم علق على أول موضوع فى المدونة
جميلة أوى المدونة يا هلسينج
وكلمة إسم لذيذ
يالا عايزين نشوف إبداعاتك يا عمونا :d
7amsawy
ربنا يخليك يا حمساوى
انا اللى ليا الشرف انك تكون اول واحد يعلق فى مدونتى
وتابعنى على طول :)
السلام عليكم :)
وانا تانى واحده يعنى اول بنت برضه
ألف مبروك لحضرتك على المدونه وان
شاء الله تستمر علطول وكلمتك تبقى مسموعه
* نور الإسلامـ
وعليكم السلام :)
الله يبارك فيكى
ويا ريت تنورينى على طول
مبرك ياحبى على المدونه كلمه اسم جميل ومعبر احسنت الاختيار سبقتنى ياعم وانا برده اول واحد من صحابك غير السيبر نتين انترنت يعنى اباركلك ويارب المدونه بتاعتك تبقى احلى مدونه
lol
يحرق الجهل اناغير معروف الى بعتلك الكومينت alig gangster
الله يبارك فيك يا غير معروف :)
قصدى يا ali g
اعمل اكونت على جوجل بقى
عشان عيب كدة :)
lol
ألف مبروك يا واد يا هيلسينج
وأنا كمان لسه عامل مدونة ليا وشرفني تواجدك فيها
وبجد المدونة جميلة ما شاء الله وفيها كلمات جميلة
ربنا يكرمك ويجعل بكل حرف تكتبه عشر حسنات :)
الله يبارك فيك
دا انا اللى شرفنى تواجدك وتعليقك
حلوة الدعوة دى :)
إرسال تعليق