كلمات

ببص عل الحروف وابتسم

ولسان حالي بيقول وحشتيني

بدأ الكلام يعبر ويترسم

ويخرج مشاعري وحنيني

الكلمة الأولى .. قلب

حبني وافتكرني حبيته

اداني كتير وانا

بعته ما اشتريته

الكلمة التانية .. سراب

عشت فيه مع قلب

حبيته وافتكرته حبني

بس طلع صدري مش بيته

الكلمة التالتة.. ندم

على كل لحظة حسيته

وفيها عطيته وهويته

طلع مش ليا ولا صدري طلع بيته

الكلمة الرابعة والخامسة.. بقول يارب

عوضني وعوض قلب

كل ذنبه انه هواني

وقلب ذنبي انا حبيته

ماشي كدة

ايديّ في جيوبي

ايديّ في جيوبي و قلبي طرب
سارح في غربة بس مش مغترب
وحدي لكن ونسان و ماشي كدة
ببتعد معرفش او بقترب !

صلاح جاهين

falling

وحدي أهبط الى سماء أحزاني
لأسائل نفسي عن سر عصياني
أجدها وقد غرقت
لا ترى للسعادة شطئانِ

رمضان

احكي لمين

احساس ملازمني الفترة دي اني عايز اتكلم كتير اوي اوي،
صحيح انا بطبعي كتوم ومش بتكلم كتير بس يمكن دا لاني مش لاقي حد يسمعني او يفهمني.
بالرغم من ليا اصحاب كتير نسبيا بس بحس دايما ان فيه حلقة وصل مقطوعة بينا،

يعني دايما لما اتكلم معاهم بلاقي ردود من قبيل:
اتفلسف يا عم, ايه اللي انت بتقوله دا مش فاهم منك حاجة, انت بقيت خنيق كدة ليه ...
واللي يستحمل ويسمع شوية الاقيه يرد عليا بموضوع تاني خالص جمعه من الكام كلمه اللي فهمهم من كلامي كله
وهكذا الردود تتشابه...

ساعات بتخيل نفسي على الشزلونج عند طبيب نفسي وقاعد اتكلم كتييييير في كل حاجة
في زكريات الطفولة.. في احاسيس المراهقة..
في احلامي لبكرة احكيله الفيلم اللي شفته امبارح..
اكلمه بجنوني وحكمتي.. بقلبي وشهوتي.. بديني ودنيتي..

بفوق من وهمي عشان الاقي نفسي متخيل صديق بفلوس
معقولة يأست اني الاقي حد للدرجة دي
يعني مفيش غيرك يا نفسي
هفضل احكيلك يمكن في يوم تفهميني..

i'm INTP

ETHICS are Vanishing