من اصعب القرارات اللي ممكن حد يتخذها
القرارات المعروف نهايتها ايه وامتى
وخصوصا لو القرار مترتب عليه سعادة لحظية او مؤقتة -معروف انها هتستمر لفترة وتنتهي-
ناس بتقول ليه اعيش السعادة دي وانا عارف انها هتنتهي قريب
وهزعل جدا على خسارتها وهاخد فترة كبير عشان انسى لحظات السعادة دي
ما انا ممكن اتعب شوية واضغط على نفسي واتجنب السعادة دي من الاول واتجنب الزعل الكبير اللي هيحصل بعد فقدانها
وناس بتقول انا لازم طبعا اتخذ القرار اللي هيحققلي السعادة
بغض النظر عن وقتها القليل وبغض النظر عن خسارتها والجرح اللي هتسيبه
وممكن والله اعلم تستمر السعادة دي لفترة اطول شوية ويمكن الجرح ميبقاش بالقوة اللي تخليني اندم على اتخاذ قراري
13 comments:
ممممم
مش عارفه حاسه النوعين أصعب من بعض
بس متهيألى محدش عارف السعاده فين
يعنى ربنا هو اللى بيرتب الامور ..
علشان يمكن لو اتحطيت فى موقف الإختيار دا
يمكن اختار رقم واحد علشان أنا بتأثر بسرعه ويمكن أتألم لفقدان السعاده وأقول ياريتنى ما عشتها
دا عن نفسى أنا ..
ممكن حد تانى يختار الحل التانى لسبب خاص بيه هو :)
ليه نحرم نفسنا من الإحساس بالسعاده ولو كان للحظه واحده !!
أصلا مفيش سعاده أبديه غير في الجنه بإذن الله ..
مينفعش نضيع مننا الإحساس ده بحجة إنه هيختفي بسرعه أو هيحصل ندم من اتخاذ الخطوه دي ..
حتى لو حصل وسببلنا حاجه وحشه بعدو يكفينا إننا نحاول ونجرب ومنضيعش مننا أي فرصه ممكن تدخل علينا سعاده حتى ولو مؤقته ..
أنا خارجه مع صحباتي وعارفه إني هأتبسط جدااااا وهينسوني المشاكل إللي أنا فيها بس عارفه بعدها إني بمجرد ما أسيبهم وأمشي هألاقي كل حاجه لسه مستنياني والوضع زي ما هو متغيرش ولا حاجه , طيب ليه أحرم نفسي من اللحظه دي أصلا كفايه إنها تعملي ريفريش في حياتي وتخللي تفكيري يتقدم أكتر وأبص للأمور بشكل آخر ..
يبقى ينفع أقول لأ مش هأخرج معاهم عشاني عارفه إني هأتبسط شويه ومجرد ما أسيبهم هأتضايق فمش لازم أخرج !!!!
أكيد هنتضايق من أي رد فعل عكس رغبتنا بس مينفعش نقول أنا ندمانه على الخطوه دي خليني أقول أنا متضايقه بس اكتسبت واستفدت حاجه جديده وشعرت بالسعاده ولو للحظه واحده ..
الحمدلله ..
أخيرا الرد اتبعت ..
من بدري بأحاول أبعت تعليق ومكنش نافع خالص ولا حتى بدون اسم ..
بس اتبعت بمعجزه ويا عالم ده يتبعت بعد قد إيه كمان !
بسم الله ..
إنتي رديتي متى يا أمل !! ..
هي أنا هأفضل أستخدم الطريقه دي علطول ولا أحلها إزاي !!
بقيت أرد بURL
حضرتك لو فتحتي مدونتك تاني الردود مش هتعمل كدة D:
زهرة الأمل
هو دا الاختيار المرجح بالنسبالي حتى الان
اني ملكة
حاسس ان المثال دا مينفعش للي انا اقصده
عشان انا اقصد قرارات صعبة مش قرار خروج مع صحابي.. حاجة مصيرية يعني..
عارفه والله إنه موضوع مش بسيط ولو كان بسيط مكنتش هتحتار فيه كده بس أنا ضربت مثال لحاجه ممكن تبسطنا او عملناها وتفتح لنا أبواب تانيه بنحلم بيها مثلا
غير إني أقول لأ مش هعملها عشان بعد كده ممكن أندم أو لأن سعادتها مؤقته
بجد مستغربه جدا من رد أمل برغم إن ده إللي بيحصل معانا فعلا
بس مش متوقعه من " أمل " رد زي ده
ولا متوقعه من أخانا هيلسنج تأكيد على الرد " فين التفاؤل " !!
الصوره اللي في المود عجباني جدا ..
المشكله الاكبر ان الجرح الكبير ده ميكونش ليك لوحدك.. يكون لغيرك كمان..
يعني لو ليك انت بس فانت حتتحمل مسؤليه نفسك بشكل او باخر..
لكن لما يكون الموضوع فيه جرح لحد تاني فالوضع يختلف... ومش حيكون اي جرح.
ساعتها تبقى انانيه عشان مش بتفكر غير في سعادتك اللحظيه بغض النظر عن جرح الاخرين.. خاصة ان حجم الجرح ده معروف جدا...
جرح كبير !!
أنانيه !!
مش عارفه مسودين الموضوع كده ليه !!
طيب عايزه أقولكم حاجه
هي حياتنا ماشيه خط مستقيم طول الوقت !!
وهل إحنا لازم نمشي في خط مستقيم طول الوقت !!
لااااااازم ندخل في حودات ودخلات يمين ويسار عشان نتعلم طرق جديده ..
ومينفعش آجي أقول لأ اصلي لو دخلت من الشارع ده وأنا مش عارفاه ممكن أتوه ..
طيب إحنا جربنا أساسا !!
حتى لو حصل وتوهنا هل خلاص حياتنا انتهت ووقفت على كده !!
لو على نقطة جرح الآخر فأظن إن الأسلوب والطريقه بتفرق ولها عامل كبير ..
وأعتقد كمان إن لو حاجه مصيريه عمر ما سعادتها تكون لحظيه ..
والله أعلم غيش دراكم مش ممكن تكون السعاده دي تعود على الطرف الآخر في الموضوع !!
ليه خايفين ومقفلنها كده !!
أعتقد إن التوكل على الله وحده يكفي ..
مش ناقص بعده غير حركه جديه في القرار ده ..
وربنا ييسر الخير ..
عايزه أضيف كمان حاجه
ليه نضيع فرصه مننا !!
أنا متأكده إن محدش بياخد غير نصيبه بس يا ترى إنت عملت إيه عشان تستحق نصيبك ده !!
اتحركت !! عملت حاجه !!
ولا خايف تتجرح وتسبب جرح !!
وتقول كده كده لو ليا نصيب هاخده ..
ده استسلام وضعف ..
عندكم حق.. والقرار كمان بيختلف على حسب الموقف وعوامل تانية كتير.
إرسال تعليق