بكتب دلوقتي لسبب واحد وهو ان البوست الاخير مر عليه اسبوع بالظبط
ومش عايز مدة الغياب تطول عن كدة
فهجبر نفسي اني اتكلم في اي حاجة
ممكن اتكلم عن فكرة بقالها فترة بتراودني
وهي اني انشر فكرة listen more than you talk
نفسي احنا كشباب ننشر ثقافة الاستماع بين المصريين
لأنها فعلا بتنقصنا والسبب معروف طبعا ان احنا عندنا كبت فبنحب نتكلم كتير ومش بندي فرصة للآخر انه يتكلم
نفسي فعلا اعمل حاجة في الموضوع دا خصوصا ان كل اللي يعرفني بيقول عليا مستمع جيد
فليه محاولش اخلي ناس تانية كدة
ليه منديش نص ساعة من يومنا للاستماع
الاستماع فقط.. نسمع اي حد من اهلنا.. اصدقائنا.. زملائنا..
نخليه يتكلم في اي حاجة واحنا نسمع
وأكيد هييجي يوم تحتاج فيه لحد انه يسمعك
ساعتها اتأكد انك هتلاقي حد يسمعك لأن عندك رصيد كافي
:)
4 comments:
جميل جدا إنك تكون مستمع جيد وإنك تعطي اهتمام لإلي بيتكلم معاك وتسمعه ..
بس جميل كمان إنك تتكلم وتخرج إللي جواك بس تختار الشخص المناسب
مش إللي يسمعك كويس وبس لأ المفروض يكون فاهمك كويس..
تعرفى انى اكتر حاجة بتضايقى فى نفسى انى بسمععععععععع اوى ومابتكلمش , كل مااقابل حد اقعد اقوله ايه جديدك وهتعمل ايه وحليت المشكلة الفلانية اذاى واعمل كذا وبلاش كذا
لدرجة انى بقيت باتجاهل سماعى لنفسى لانى باكون سمممممممممممعت كتير اوى
وانا كمان بسمع الناس كويس بس مش بسمع نفسي
يمكن فعلا محتاج اختار الشخص المناسب اللي يسمع ويفهم
:)
ساعات الواحد لما بيتضايق بيبقي عايز يسمع الناس
انا ساعات لما اتخنق اكلم البنت انتيمتي اقولها احكيلي حصلك ايه وعملتى ايه
وانا اللى ابقي مخنوقة
هي عرفتنى
لما ابقي عايزة اسمع ابقي مخنوقة
D:
انا هحاول ازود نسبة قدرتى على سماعى للناس بعد البوست ده :$
إرسال تعليق