سمعت من فترة ان الموسيقى الكلاسيك بتساعد على التركيز بدرجة كبيرة فكنت وانا بعمل حاجة افتح اذاعة البرنامج الموسيقى واسمع تشايكوفسكي وموتزار وباخ ...
امبارح وانا ببدأ مذاكرة كالمعتاد قبل الامتحانات بشهر افتكرت الموضوع دا فدورت علي النت على موسيقى كلاسيك فلقيت مقطوعة لرخمانينوف فضلت مشغلها وقاعد بذاكر اتعادت اكتر من 20 مرة وانا مش حاسس باى حاجة غير المذاكرة اللى قدامى
بجد احسن طريقة للمذاكرة مكان هادى جدا وتشغل موسيقى كلاسيك ويستحسن تكون بدون "كمان وتشيللو ..." عشان مش تاخدك للسرحان واحلام اليقظة اللى بتيجى اوقات المذاكرة.
11 comments:
لو حد كح جنبي وانا باذاكر
ممكن يكون فيه جناية قتل !!
:)
---
ربنا يستر
---
دمت بخير
فكرتك حلوة بجد
واتفق فيها معاك
ربنا يوفقك فى الامتحانات
تحياتى
هى الموسيقى الكلاسيك حلوة ..
بس دى بتختلف من شخص لاخر ..انا عن نفسى معرفش اذاكر الا لو الدنيا هاديه وى ...او زحمة اوى :))
بجد ..يعنى هاديه بحيث انى اقدر اركز فى المذاكرة ..او زاحمة بحيث انى معرفش اركز فى اى كلام غير المذاكرة :)
فعلا لما بذاكر (فى آخر شهر كالعادة طبعا ) فى وجود موسيقي هادية بتساعدني على التركيز و بتهدي الاعصاب ..
أنا بحب المقطوعات الكلاسيك كلها عموما
المقطوعة اللى انت حاطتها جميلة اووووى و فى كمان مقطوعة حلوة اوي ل joe hisaishi
بحبها جدااا
أنا رفعتها على لينك اسمعها و قللي رأيك
http://www.2shared.com/file/3219156/8276d9cc/Howls_Moving_Castle_-_Main_Theme.html
دى بقى لما بشغلها جنبي لو اتعادت 100 مرة مش بحس بيها
خبيب
ههههههه انا عامل زيك مش بحب اى ازعاج وانا بذاكر
Tamer Nabil
منورنى للمرة الاولى ويا رب ما تكون الاخيرة
*سمر*
حكاية الزحمة دى بس فكرتنى بالمذاكرة فى الجامعة قبل الامتحان بساعة بتبقى الدنيا زحمة جدا ومع ذلك فى ناس قاعدين يذاكروا ويراجعوا
Yuki
المقطوعة دى جامدة جدااااااا
جبتيها منين
لأ بجد حلوة اوى بس دا اللى انا كنت بقول عليه انك ممكن تسرح معاها
دى كل اما اشغلها الاقى نفسي فى قاعة كبيرة فى قصر برقص "فالس" مع اجمل اميرة وتخلص الرقصة انى الاقى نفسي بقالى ساعة قدام الكتب مزاكرتش كلمة ...
أنا مش بحب أذاكر غير فى هدوء تام
مسمعش دبة نمله حتى :D
بس انا بحب الموسيقى جدا لما بقعد على الجهاز بسمعها ...
noureleslam
المشكلة ان الواحد بيتلكك عشان ميذاكرش
يعنى اى دوشة اقول مش مذاكر
وصلت بيا ان سن القلم الرصاص اتكسر رحت قايم وقلت مش مذاكر :)
القطعة دي Theme لفيلم كارتون ياباني
أسمة :
Howl's moving castle
جميل أوي
بس لو هتعطلك عن المذاكرة بلاش الله يكرمك ..
خلاص بعد الامتحانات ان شاء الله ابقى اشوفه
شكرا
إرسال تعليق